ಕಣ್ಣಿಗೆ ಧೂಳು !

* ಡಿಟರ್ಜೆಂಟ್ - ೮೦೦ ಗ್ರಾಂ ಪ್ಯಾಕೆಟ್! 

* ಮೋಸ ಮಾಡುವ ಜನತಾ ಬ್ರಾಂಡ್.

ಬಟ್ಟೆಯಲ್ಲಿರುವ ಎಂತಹ ಕೊಳೆಯನ್ನಾದರೂ ತೊಳೆದುಬಿಡಬಲ್ಲ ಡಿಟರ್ಜೆಂಟ್ ಪುಡಿ ಬಳಕೆದಾರರ ಕಣ್ಣಿಗೆ ಮಂಕುಬೂದಿ ಎರಚುತ್ತಿವೆಯೇ ? ಹೌದು ಎನ್ನುತ್ತದೆ ದೆಹಲಿಯ ಕನ್ಸ್ಯೂಮರ್ ವಾಯ್ಸ್.

ಡಿಟರ್ಜೆಂಟ್ ಪೌಡರ್‌ಗಳಲ್ಲಿ ನಾಲ್ಕು ಬೆಲೆ ಸ್ಥರದ ಪ್ಯಾಕೆಟ್‌ಗಳಿವೆ. ಪ್ರೀಮಿಯಂ ಬ್ರಾಂಡ್‌ಗಳಾದರೆ ಕೆ.ಜಿ.ಗೆ ೧೩೫ರಿಂದ ೧೫೫ರೂ. ಏರಿಯಲ್ ಆಲ್ಟ್ರಾಟೆಕ್, ಹೆನ್ಕೋ ಸ್ಟೈನ್ ಚಾಂಪಿಯನ್, ಸರ್ಫ್ ಎಕ್ಸೆಲ್ ಆಟೋಮ್ಯಾಟಿಕ್ ಈ ವರ್ಗದ್ದು. ಮಧ್ಯಮ ವರ್ಗದ ಹೆನ್ಕೋ ಸ್ಕಿನ್ ಚಾಂಪಿಯನ್ ಅರ್ಧ ಕೆ.ಜಿ.ಗೆ ೪೩ ರೂ. ಏರಿಯಲ್ ಸ್ಪ್ರಿಂಗ್ ಕ್ಲೀನ್‌ನ ಕೆ.ಜಿ.ಗೆ ೧೦೩ ರೂ., ಸರ್ಫ್ ಎಕ್ಸ್ ಕೆ.ಜಿ.ಗೆ ೧೧೬ ರೂ. ಸಾಮಾನ್ಯ ಬ್ರಾಂಡ್ ಹೆಸರಿನಲ್ಲಿ ಟೈಡ್, ರಿನ್ ಅಡ್ವಾನ್ಸ್‌ಡ್, ಸೂಪರ್ ನಿರ್ಮಾ ಬ್ಲೂ, ಸರ್ಫ್ ಎಕ್ಸೆಲ್ ಬ್ಲೂ, ಇಂಪ್ಯಾಕ್ಟ್ ಮಾರಾಟವಾಗುತ್ತಿವೆ. ಬೆಲೆ ಕೆಜಿಗೆ ೪೫ ರೂ.ನಿಂದ ೫೦ ರೂ. ಆಸುಪಾಸಲ್ಲಿ ಇವುಗಳು ಮಾರಾಟವಾಗುತ್ತಿವೆ.

ಉಳಿದದ್ದೆಂದರೆ ಜನತಾ ಬ್ರಾಂಡ್. ಜನರ ಕಣ್ಣಿಗೆ ಮೋಸದ ಧೂಳು ಚೆಲ್ಲುತ್ತಿರುವವೇ ಇವು. ನಿರ್ಮಾ ವಾಶಿಂಗ್ ಪೌಡರ್ ಕೆ.ಜಿ.ಗೆ ೧೯ ರೂ., ತಕರಾರಿಲ್ಲ. ಫೆನಾಗೆ ೧೮ ರೂ., ವೀಲ್‌ಗೆ ಗಾದಿಗೆ, ಸೂಪರ್ ಪವರ್ ೫೫೫ ಗಳಿಗೆ ಕೂಡ ೧೯ ರೂ. ಹಾಗೆಂದುಕೊಂಡ ಒಂದು 

ಪ್ಯಾಕೆಟ್ ಖರೀದಿಸಿದವ ಪಿಗ್ಗಿ ಬಿದ್ದಂತೆ!

ಏತಕ್ಕಪ್ಪಾಂದ್ರೆ, ಫೆನಾ, ವೀಲ್, ಗಾದಿ, ಸೂಪರ್‌ಪವರ್‌ಗಳ ಪ್ಯಾಕೆಟ್‌ನ ತೂಕ ಒಂದು ಕೆ.ಜಿ.ಯಲ್ಲ. ಅತ್ತ ಅವು ಅರ್ಧ ಕೆ.ಜಿ.ಯ ಪ್ಯಾಕೂ ಅಲ್ಲ. ಮುಕ್ಕಾಲು ಕೆ.ಜಿ.? ಊಹ್ಲೂ! ಫೆನಾದ್ದು ೮೮೦ ಗ್ರಾಂ ಪ್ಯಾಕ್, ವೀಲ್ ಹಾಗೂ ಸೂಪರ್ ಪವರ್‌ಗಳು ೮೦೦ ಗ್ರಾಂ, ಗಾದಿ ೮೬೦ ಗ್ರಾಂ.

ಈ ತೂಕಗಳ ಲೆಕ್ಕವೇ ವಿಚಿತ್ರ. ಸದ್ಯಕ್ಕಿರುವ ಕಾನೂನಿನ ಪ್ರಕಾರ ಇವು ಸಮ್ಮತವೇ. ಆದರೂ ಹಿನ್ನೆಲೆಯಲ್ಲಿ ಬಳಕೆದಾರರನ್ನು ಇವೆಲ್ಲ ಒಂದು ಕೆ.ಜಿ. ಪ್ಯಾಕ್ ಎಂಬಂತೆ ವಂಚಿಸುವ ಉದ್ದೇಶ ಇರಲಿಕ್ಕಿರಲೇಬೇಕು. ಮತ್ತೆ ತಾವೂ ೧೯ ರೂ.ಗೆ ಸಿಗುತ್ತೇವೆ ಎನಿಸಿಕೊಳ್ಳುವಲ್ಲಿಯೇ ಅವರ ‘ವಂಚನೆ’ ಅಡಗಿದೆ ಅಲ್ಲವೇ ?

ಕಳ್ಳರು ಈಗ ಇನ್ನೊಂದು ಕಾನೂನು ತರಬೇಕೆನ್ನುವ ಸ್ಥಿತಿ ತಂದಿದ್ದಾರೆ!

-ಮಾವೆಂಸ